يا مرحبـا و اهلين يا قبلة الدار يا أم البلد ما بين شعب و حكومه

سلامتك يا اللي لك تساق الاعمار ويقــوم لك قايد جيوشه وقومه

وطهور يا اللي جيتك تشعل انوار وبطلتك نامر بحفل وعزومه

عيالنا يدعون لك سر واجهار لأنك لهم رمز الوفا و الأمومه

عيوننا فيها من الفرحه اشعار من عقب ماهي ضايقه ومحرومه

والشعب يحمل لك من الود تذكار استبشرو بـك والفرح عاد يومـه

ارسلت لك كل المشاعر بالأشعـار و الي عرف قلبي بيعرف اعلومه